【香港|飲食】 🐷必食金沙青👍🏻懷舊好食車仔面

▲門面

雞先生一早有事車出旺角做,做完打算去太子花墟行個大運,行到附近發現弊,肚子餓🐓於是上網搵下附近有咩黃店食下,發現前面就有間16座車仔面,於是入去睇下👀

▲手繪黑板畫
▲復古的筆桶

環境方面,成間店都幾懷舊風既,我無影到內部環境但影到佢牆上個大黑板,用粉筆畫左碗面,枱上個筆桶都幾復古下。

餐牌就幾多選擇下,單單面底佢都有十款以上,仲有幾款佢寫到明係自家製,另外餸方面都有好多選擇,唯一比較要挑剔係無乜菜可以簡💩💩💩

雞先生本身只係揀咗咖喱魷魚、雞翼、同蠔油冬菇。落單果陣店員提醒我四餸可以飲品半價,於是問店員有咩好食,佢話不如試下金沙青,其實我唔知係乜野但費時諗所以照要,之後要埋枝自家製凍奶茶☕️

首先講下啲餸,金沙青其實係豬肉🐷🐷🐷,估唔到呢款聽都未聽過既肉係幾好食,又嫰又滑,好彩有試唔係走寶。

咖喱魷魚方面,有啲車仔面係好是但,得個汁濃但魷魚唔爽口,但呢度既魷魚係幾正👍🏻爽口而且個汁有以前掃街小販檔既味道,同埋唔會太辣。

雞翼同冬菇我唔知佢搵咩野入味,但兩樣野都甜甜地又淋,我覺得都幾好味。唯一挑剔既係冬菇有小小細舊但算正常發揮。

打邊爐最重要個爐,車仔面最重要緊係個面底同湯。我簡左鹵水汁,都幾香同濃既,但唔適合飲埋佢🚫個面底係唯一失望既野,我覺得無咩蝦子面味同偏硬,無童年一罐罐果種蝦子面味,下次黎應該唔會再食。

最後必須講下個自家製奶茶,我本身都無咩太大期望,以為一般凍奶茶,點知茶底同奶味幾平衡,飲落去有茶葉既香味,又唔會太甜👍🏻直程平時提醒或者下午茶都適合飲,真係算係近年飲到最好味既奶茶,必飲✔️✔️✔️

總括黎講,呢間車仔面除左有啲遠(對我黎講要行多三分鐘都遠😬)同埋蝦子面失望外,其他都唔錯,下次再黎花墟會再食😛😛😛

🐓雞之總評
⭐️⭐️⭐️⭐️(五粒星為滿分)
✔️超好味金沙青
✔️香濃凍奶茶
❌ 蝦子面唔得

發表迴響

%d 位部落客按了讚: