【上水|食評】畢打奧 -飲酒傾計一流

今日朋友An鴨砌完個ikea櫃🚪想食好野,因為我成程都冇幫手砌,咁唯有帶佢食好西😛補數啦!因為砌完個櫃都好晏了,仲開既鋪頭得番酒吧🍷仲有好西食,所以就果斷簡左畢打奧啦!話時話我到依家都分唔到佢叫畢打奧定適雅……

其實我覺得作為一間酒吧,野食好唔好食都係其次,重點係咩呀? 係氣氛呀💃💃💃! 就算幾靚既酒,你擺到去大XX度都飲唔出咩味啦! 作為上水區唯一(以我所知啦)既酒吧,其實畢打奧真係好有氣氛,場內暗暗地既燈光🕯,牆上既霓虹燈,仲有以前留落黎既煙同雪茄味,簡直感覺到自己當堂都好有型😎呀! 

不過講咁多,其實醫肚都好重要。An鴨一黎就決定左要叫美國肉眼扒五成熟🥩,我就其中唔多肚餓(成程都冇做過野…..)所以我只係叫左一杯啤酒🍻同埋一份炸豬扒小食🐖~ 

我想講,其實佢只係一份小食,但呢塊豬扒都真係幾大塊,仲要新鮮炸,脆卜卜🔥🔥,加埋個醬送啤酒一流呀! 杯啤酒就度度都係呢個味咖啦所以唔講。

另外講下個肉眼扒。跟餐有湯、餐包同飲野。個餐包🍞真係世界級,佢唔係出面果d牛油餐包,而係有d小麥味既包,好香谷物味。仲要熱辣辣,所以我都偷哂An鴨成舊食~

不過個肉眼扒呢,明明話 5成熟但起碼有7成熟,An鴨有少少唔開心🙁,但我偷食一舊其實都好香,只係太熟。我叫佢下次叫3成熟,咁出到黎就係5成熟啦! 🤪🤪🤪

總括黎講,畢打奧係一間好適合傾計😄、睇波⚽️同埋偷情💜(夠黑嘛)既地方。就算唔飲酒,食牛扒都好正! 

🐓雞之總評
⭐️⭐️⭐️⭐️⭐️(五粒星為滿分)
✔️氣氛好正
✔️超好食送酒炸豬扒同餐包
❌牛扒太熟
Follow 雞先生@mrchickenhk 

地址:上水符興街35-39號
Open Rice 連結

廣告

發表迴響

%d 位部落客按了讚: