【油麻地|食評】Go Dutch Cafe – 荷蘭風摩天輪

本雞間唔中都去登打士廣場同家樂坊果條街覓下食🍴,而果邊都多樓上Cafe,但今次盲中中樓下🤔有個唔知講中文定英文既派傳單員叫我地試下10樓,咁神推鬼撞之下入左去Go dutch Cafe 

實不相瞞,我入到去先知Dutch 原來唔係德國🇩🇪係荷蘭🇳🇱~都講左雞唔識字咖啦!入到去見到棵疑似聖誕樹幾搞笑🎄

由於唔多肚餓所以叫左「Go Dutch 摩天輪」🎡,主要原因係因為覺得個摩天輪好似好好玩~黎到發現真係可以郁下郁下幾好玩

上面其實有幾款小食,包括雞翼、薯仔炸蝦卷 、炸蠔同薯條~特別推介雞翼同埋薯仔炸蝦卷~前者係冇骨同埋有釀饀,而後者出條有一絲絲薯條,本身我以為係意粉點知係薯條先岩~另外炸蠔同埋薯條都好新鮮,但感覺食完會喉嚨痛haha🤪🤪🤪

最尾想講下飲品~我簡左凍洛神花釀,酸酸甜甜咁幾正👍🏻👍🏻👍🏻,岩岩好配炸野食~而我個fd叫左熱玫瑰果茶,佢配左蜂蜜比你倒入去,雖然熱但反正覺得幾清熱氣🍯🍵~

🐓雞之總評
⭐️⭐️⭐️⭐️(五粒星為滿分)
✔️幾好玩又好食摩天輪
✔️酸甜 凍洛神花釀

📍旺角登打士街43H號登打士廣場10樓
Open Rice 連結

發表迴響

%d 位部落客按了讚: