【荔枝角|食評】Thai-ger 🤤必食正宗青咖哩🥘+超脆油餅

是咁的,雞先生✔️其實唔去D2 Place的,但果日係荔枝角站D出口附近發現自己好肚餓😪,唯有沖入商場睇下有邊間黃店💛。原來一入去第一層左手邊第一間叫Thai-ger既泰國野都係黃店了。

其實我真係唔鐘意食太辣🌶既野,去三兄度都連三小辣🌶🌶🌶都唔會叫,寧願食清湯算。但我今日又好想食咖喱🥘,所以叫左個豬頸肉青咖哩配香穌餅(重申一次雞先生唔食雞)另外跟餐有野飲,我加左錢要檸茶。

鋪頭係採取先付款後找位坐低既,你買左飛搵位就有人送餐比你。

個餐都好快黎到,首先講下個青咖喱,我雖然唔食辣但都覺得OK⭕️,而且好香香茅香料味,真係似正宗咖喱味🤤,唔會只係得奶味。另外豬頸肉既份量真係好足料👍🏻👍🏻👍🏻,平時食大XX咖哩d肉得幾舊,但呢度勁多塊,多到我食唔哂咁濟。

而我最鐘意食既就係個油餅😛。食呢d油餅重點一定要夠新鮮夠脆,睇圖你地都應該睇得出真係岩岩整出黎,而且同豬頸肉一樣份量好足,男人食都唔會唔夠飽😂。

BTW個飲品就其實係一般香港茶記檸檬茶,冇咩特別咁,正正常常咁。我覺得Thai-ger可以加番d特色飲品~

大家留意番鋪頭比較細,座位有限,唔好太大班人去啦!🤧

🐓雞之總評
⭐️⭐️⭐️⭐️⭐️(五粒星為滿分)
✔️正宗青咖哩味
✔️超新鮮油餅
❌座位比較少注意唔好太多人黎

荔枝角長義街9號D2 Place 1期1樓101號舖
Open Rice 連結

廣告

發表迴響

%d 位部落客按了讚: